Amasomo ku wa Gatandatu

ISOMO RYA MBERE


Isomo ryo·mu ibaruwa yandikiwe Abahebureyi (Heb 9, 2-3.11-14)

Bavandimwe, Ingoro yo mu Isezerano rya kera yari 2ihema, rigizwe n’ibyumba bibiri. Icya mbere cyabagamo ikinyarumuri n’imigati y’umumuriko, kikitwa ahatagatifu. 3Hirya y’umubambiko wa kabiri hakaba icyumba cyitwa ahatagatifu rwose. 11Igihe Kristu ahingukiye, yaje ari Umuherezagitambo mukuru w’ibyiza bizaza. Yambukiranyije ingoro isumbije iya mbere agaciro n’ubutungane, itubatswe n’ikiganza cy’abantu, ari byo kuvuga ko itari iyo muri ibi byaremwe. 12Yinjiye rimwe rizima ahatagatifu rwose, atahinjiranye amaraso ya za ruhaya n’ay’ ibimasa, ahubwo aye bwite, aturonkera atyo ubucungurwe bw’iteka. 13Niba koko amaraso ya za ruhaya n’ay’ibimasa, kimwe n’umuyonga w’inyana yatwitswe, bishobora gusukura no gutagatifuza umubiri w’abo byuhagijwe, 14nk’amaraso ya Kristu wituye Imana ho igitambo kitagira inenge ku bwa Roho Uhoraho, yo azarushaho ate gusukura umutima wacu awukiza ibikorwa bitera urupfu, ngo dushobore gusingiza Imana Nzima?


ZABURI (Zab 47 (46), 2-3, 6-7, 8-9)


Inyik/ Imana izamutse bayiha impundu,

Uhoraho azamutse avugirwa n’impanda.

Miryango mwese, nimukome yombi,

musingize Imana mu rwamu rw’ibyishimo,

kuko Uhoraho, Umusumbabyose, ari Ruterabwoba,

akaba Umwami w’igihangange ku isi yose.

 

Imana izamutse bayiha impundu,

Uhoraho azamutse avugirwa n’impanda.

Nimucurangire Uhoraho, nimucurange!

Nimucurangire Umwami wacu, nimucurange!

 

Kuko Imana ari yo mwami w’isi yose,

Nimucurange mwimazeyo mubyamamaze.

Uhoraho ni Umwami ugenga amahanga,

Imana itetse ku ntebe yayo yuje ubutungane.

 

IBANGONDIRIMBO RIBANZIRIZA IVANJILI (Intu 16,14)


Alleluya Alleluya.

Nyagasani Mana, kingura umutima wacu,

Kugira ngo twite ku magambo y’Umwana wawe tubigiranye

Urukundo.

Alleluya.

 

IVANJILI


+ Amagambo yo mu Ivanjili ntagatifu uko yanditswe na Mariko (Mk 3, 20-21)

Muri icyo gihe, 20bageze imuhira abantu benshi bongera guterana, bituma badashobora kugira icyo barya. 21 Nuko bene wabo wa Yezu babyumvise baza kuhamuvana; kuko bavugaga ngo « Yasaze!» 


24 Kanama 2014: Icyumweru cya 21 mu byumweru bisanzwe

         AMASOMO:
Iz 22, 19-23abr /> Rom 11, 33-36
 Mt 16, 13-20


«Wowe uri Kristu, Umwana w'Imana Nzima. »